【不要像大劣人一樣自私】
媽呀，呢幾個月真係令人心很累。
每過一段日子就有搶購潮
緊急法嗰排去超市想買包都無，㩒錢ATM都無錢⋯
今日落街去超市買下野，又有好多人搶緊野
凡有「消毒」兩字嘅野都無哂，乾糧都無哂⋯
最後買到兩條蕉我就收皮排隊畀錢
點知見到個個都搶好多公仔麵，好多罐頭
好多紙巾、好多食物、好多清潔用品。
我有個朋友話佢朋友有三十盒口罩喺屋企
然後仲繼續搶購緊口罩。
重點：佢唔係要轉售，純粹自用。
見到大家未雨綢繆，識得驚呢場災疫係好事
但係真係唔需要太盲目咁搶哂所有野
搶幾箱公仔麵幾箱罐頭幾十盒口罩自用，too much啦
感覺好似見到大媽去食自助餐搶哂啲野一樣
搶到，你又食到/用到幾多？
同埋好重要一樣野，今次唔係自保就可以解決到問題
我今日聽到有個伯伯喺度屌政府
佢話佢每日都去萬寧，每日都無口罩賣
佢已經無口罩用啦。
我淨係諗到一個好恐怖嘅將來
有一班人屋企有幾十盒口罩
有一班人屋企無哂口罩，無得戴口罩出街
要知道有病嘅人無口罩，你有口罩都唔係絕對安全
人人都有罩，人人都乾淨消毒先可以阻止大爆發。
肺炎咁撚勁，香港人口密度咁高，我哋都唔可能獨善其身。
我唔係大小S咁大愛，
唔使捐口罩去武漢，唔使用愛救大劣人，
其實自己準備足夠物資，買自己需要既份量，
留番啲畀其他人就已經好好
唔使你犧牲，你唔搶哂所有野已經係一種幫忙。
利申：屋企得番一盒口罩，幾個罐頭幾包公仔麵。
IG：@hkgirlfriend
FB：港女友
Search